გიორგი მგალობლიშვილი

მოწვეული ლექტორი

მინდა ჩემი მოკლე ისტორია მოგიყვეთ, თუ რატომ გადავწყვიტე ლიეტუვური ენის სწავლა და რატომ გადავწყვიტე ამ ენის გაზიარება Team Education GE-სთან ერთად. 2022 წელს ერთ-ერთი სტუდენტი ვიყავი რომელიც ერასმუსით ლიეტუვის უნივერსიტეტში, კონკრეტულად Vilnius Gedimino Technical University-ში მიიღეს. მე იქ ბიოსამედიცინო ინჟინერიას ვსწავლობდი, მაგრამ თვითონ ქვეყანამ და უფრო ზუსტად მათმა ენამ ძალიან მომხიბლა. გადავწყვიტე შემესწავლა მათი ენა და კულტურა და Vilnius University-ში გავგზავნე ჩემი საბუთები. ვსწავლობდი ინჟინერიას და ფილოლოგიას ერთდროულად 2 უნივერსიტეტში. მიხარია რომ ყველაფერი კარგად წავიდა და მიმიღეს უნივერსიტეტში, რადგან აქ, Vilnius University-ში, გავიცანი TEG-ის დამფუძნებელი, ჯაბა ვაშაგაშვილი. მან მომიყვა როგორი ოჯახური გარემო იყო აქ და რას ნიშნავდა მისთვის ეს პლათფორმა, რამაც ძალიან მომხიბლა და გადავწყვიტე ამ ორგანიზაციის ნაწილი ვყოფილიყავი მომავალში. მას შემდეგ ბევრი რამ შეიცვალა, ლიეტუვაში კიდევ მრავალჯერ დავბრუნდი, კიდევ გავაგრძელე სწავლა Vilnius University-ში და მასწავლებლის კვალიფიკაციის ამაღლების სერთიფიკატი ავიღე Vytautas Magnus University-ში. ეს ყველაფერი ამ პატარა ქვეყნის სიყვარულის გამო გავაკეთე. რადგან TEG-მა დაინახა ჩემი შესაძლებლობები და მომცა საშუალება რომ მასთან ერთად მეც განვითარებულიყავი გადავწყვიტე დრო იყო გუნდის ნაწილი ვყოფილიყავი და გამეკეთებინა ის რაც მე მიზიდავდა, იმ სიყვარულის გაზიარება რაც მე ლიეტუვამ გამიზიარა.