1. რას წარმოადგენს თქვენთვის TEG?

TEG, ჩემთვის ეს არის სასწავლო დაწესებულება, რომელიც აერთიანებს სხვადასხვა პროფესიის მქონე ძალიან ნიჭიერ ადამიანებს და ქმნის ერთ, მთლიან ოჯახს.

2. როგორ მოხვდით თეგში?

მეგობარმა ჩამიგდო ვაკანსიები, სადაც ერთ-ერთი იყო ინგლისური ენის ლექტორის პოზიციის. ჩემი სპეციალობიდან გამომდინარე, გავაწყვიტე CV-ს გადაგზავნა. შემდგომ დამიბარეს გასაუბრებაზე, გავიარე გარკვეული ტრენინგები და საბოლოოდ ამიყვანეს TEG-ში.

3. რა პოზიციაზე მუშაობთ?

ამჟამად მაქვს ორი ამპლუა მორგებული. ესენია: ინგლისური ენის ლექტორის და ინგლისური ენის ცენტრის ხელმძღვანელის.

4. განვითარდით თუ არა ჩვენთან? როგორ? რატომ ფიქრობთ ასე?

მუშაობის აქ დაწყებამდე, მქონდა შეხება მხოლოდ სკოლის მოსწავლეებთან, რომლებსაც ინგლისურ ენაში ვამეცადინებდი. TEG-მა მომცა იმის საშუალება, რომ ჩემი ცოდნა უკვე სხვადასხვა საფეხურის და ასაკის სტუდენტისათვის გამეზიარებინა. ჩემთვის ლექციების წაკითხვა და ლექტორის ამპლუაში ყოფნა ახალი გამოწვევა იყო, რომელმაც საკმაოდ დიდი გამოცდილება მომანიჭა. ინგლისურის კურსების გარდა, აგრეთვე გქვონდა ქართული ენის კურსი უცხოელებისათვის. რომლის ერთ-ერთი ლექტორიც მე ვიყავი. შესაბამისად, არამხოლოდ ქართველ სტუდენტებთან მაქვს პრაქტიკა მიღებული, არამედ უცხოელებთანაც. რაც ვფიქრობ, რომ ძალიან მაგარი საშუალებაა ყველა ანგლისტისთვის. რომ წარმოვიდგინო საკუთარი თავი აქ მოხვედრამდე, საკმაოდ დიდ განსხვავებას აღმოვაჩენ, შესაბამისად თამამად შემიძლია ვთქვა, რომ TEG მაძლევს საშუალებას განვვითარდე მე თვითონ და შემდგომ განვავითარო სხვაც.

5. რამდენი ხანია რაც ჩვენთან მუშაობთ და როგორ ხედავთ მომავალს ჩვენთან ერთად?

თითქმის ორი წელია რაც უკვე აქ ვმუშაობ და დარწმუნებული ვარ ყველაფერი ჯერ კიდევ წინ არის. TEG არის ის ადგილი, რომელმაც წარმატების კარი გამიღო და ერთად მჯერა, ბევრად უფრო მეტს მივაღწევთ.

6. რატომ TEG?

TEG-ს ძალიან დიდი უპირატესობები აქვს. პირველ რიგში, აქ დიდი მნიშვნელობა ენიჭება ცოდნას და არა ასაკს. სტუდენტებსაც აქვთ შესაძლებლობა ასწავლონ კურსები და შეიძინონ ძალიან დიდი პრაქტიკა, მათი პროფესიიდან გამომდინარე. ყავს უმაგრესი სტაფი, ძალიან თბილი გარემო აქვთ შექმნილი და თან თანამშრომელზე მორგებული გრაფიკი. ძალიან ბევრი რამ უფროსზეა დამოკიდებული. ჯაბა იმდენად ძალიან კარგი ადამიანია, რომ შეუძლებელია მასთან მუშაობა არ მოგინდეს.

7. მოყევით თქვენი მოღვაწეობის შესახებ ჩვენთან. რა ისწავლეთ? რა უნარი შეიძინეთ? თქვენი გამოცდილება.

დავიწყე ინგლისური ენის კურსებით, პარალელურად შემომთავაზეს წამეყვანა „ქართული ენა უცხოელებისათვის“, რაზეც დიდი სიამოვნებით დავთანხმდი. ცოტახანში დამაწინაურეს და დამნიშნეს ინგლისური ენის ცენტრის ხელმძღვანელად. შესაბამისად, პარალელურად რამოდენიმე საქმეს ერთად ვითავსებ. ჩემთვის ახალი იყო სტუდენტებისათვის ლექციის წაკითხვა, თან ზოგი ჩემზე ასაკით დიდი სტუდენტი მყავდა. რამოდენიმე ინგლისურის სკოლის მასწავლებელიც ჩემი სტუდენტი გახლდათ. შესაბამისად, ამ ყველაფერმა ძალიან დიდი გამოცდილება და ცოდნა მომცა. ვისწავლე ის მიდგომები, რომლებიც სჭირდებათ სხვადასხვა ასაკისა თუ ეროვნების ადამიანებს, აქამდე ხომ მხოლოდ სკოლის მოსწავლეებთან მქონდა შეხება. პირველ რიგში ვიპოვე საკუთარი თავი და მივხვდი რომ სწორედ იმ საქმეს ვაკეთებ, რომელიც მე ძალიან მიყვარს.

published: 09/10/2021 18:35